د لوړو زده کړو وزارت بشري سرچینو رئیس په مشرۍ د دغه ریاست یوه پلاوي هلمند ولایت ته د خپل کاري سفر په جریان کې، د یاد پوهنتون د تشکیلاتو د بررسۍ تر څنګ د دغه پوهنتون اداري کارمندانو ته د ظرفیت لوړونې ورکشاپ ورکړل شو.
د لوړو زده کړو وزارت د بشري سرچینو رئیس مفتي عبدالکریم امیري په مشرۍ یوه پلاوي هلمند ولایت ته د خپل رسمي سفر په ترڅ کې د هلمند پوهنتون له مسؤلینو سره د دغه پوهنتون د تشکیلاتي جوړښت په اړه خبرې وکړې او ویې ارزاوه.
همدارنګه د یاد ریاست د ظرفیت لوړونې امر عبیدالله مولایي له لوري د هلمند پوهنتون اداري کارمندانو ته د اداري پروسیجرونو او اداري اسنادو مدیریت په برخه کې روزنیز ورکشاپ ورکړل شو، چې د ورکشاپ په پای کې د لوړو زده کړو وزارت بشري سرچینو رئیس له یادو کارمندانو وغوښتل چې د ادارې د موخو په تر لاسه کولو کې خپل مسؤلیت اداکړي.
