د پاکستان هېواد UTM پوهنتون ۲۰۲۳ م کال تحصيلي بورسونو خبرتیا !

په اسلام آباد کې مېشت افغانستان محترم سفارت د خپل ف-983 د 19/3/1401  شمېرې مکتوب له مخې د پاکستان هېواد مديريت او ټکنالوژۍ پوهنتون ( UTM) د پوهنتون فيس کې ٪۹۰ سلنه تخفيف سره په بېلابېلو څانګو کې د افغان محصلينو لپاره د لېسانس او ماسټرۍ په برخه کې د ۱۰۰ سيټه بورسونو د ورکړې خبر ورکړی.

د بورس شرایط او معیارونه او د اړتیا وړ اسناد:
1-    د پاسپورټ درلودل.
2-    نوماندان باید د اډمیشن(داخلې) UMT/HEC معیارونه پوره کړي، د لا زیاتو معلوماتو لپاره https://oin.umt.edu.pk/international-students.aspx ويب سايټ ته مراجعه وکړي
3-    د تحصيلي اسنادو کاپي ( د لېسانس برخې نوماندانو لپاره شهادت نامه، د ماسټرۍ برخې نوماندانو لپاره ډيپلوم او ټرانسکريپټ) اړین او ضروري دي.
4-    هغه نوماندان چې HEC دولتي تحصيلي بورسونو څخه يو ځل مخکې برخمن شوي وي، په دې بورسونو کې غوښتنه نشي کولای.
5-    نوماندان باید تحصيلي بورس څخه د ګټې اخېستنې لپارد UMT پالېسۍ په اساس لږ تر لږه د ټولېزو نمبرو اوسط( CGPA ) ولري.
6-    د انګليسي ژبې معتبر اسناد درلودل.
7-    ټول لګښتونه لکه: د داخلي فيس، هستوګنځی (ليليه)، ټرانسپورټ، سفر او نور د محصل په غاړه دي.
8-    
په شرایطو برابر کسان، چې غواړي د لېسانس او ماسټرۍ په برخه کې تحصيل ته دوام ورکړي، کولای شي د نوم ليکنې او اړینو معلوماتو ترلاسه کولو لپاره (https://www.umt.edu.pk) ویب سايټ ته مراجعه وکړي.

د یادولو وړ ده، چې د آنلاین نوم لیکنې بهیر له بشپړولو وروسته، نوماندان باید اړین اسناد (د پاسپورټ کاپي، د افليکیشن فورمه، د تابعیت تذکره، ډیپلوم او ټرانسکريپټ) د اړینو فورمو سره چې د دې خبرتیا سره مل او لاندې موجود دي، ترلاسه کړي او له ډکولو وروسته  د ۱۴۰۲هـ ش کال د اسد میاشتې تر ۵مې نېتې پورې د لوړو زده کړو وزارت پذيرش عمومي دفتر 13 شميرې غرفې ته وسپاري.

د فورمه لینک

https://sss.gd/WwLct

https://sss.gd/Dksbeu