د افغانستان اسلامي امارت د کرنې، اوبو لګونې او مالدارۍ وزارت سرپرست د فاریاب له پوهنتون څخه لیدنه وکړه. د کرنې، اوبو لګونې او مالدارۍ وزارت سرپرست مولوي عبدالرحمن راشد، د دولتي ادارو د رییسانو په ملتیا د فاریاب له پوهنتون څخه لیدنه تر سره کړه

د افغانستان اسلامي امارت د کرنې، اوبو لګونې او مالدارۍ وزارت سرپرست د فاریاب له پوهنتون څخه لیدنه وکړه. 
د کرنې، اوبو لګونې او مالدارۍ وزارت سرپرست مولوي عبدالرحمن راشد، د دولتي ادارو د رییسانو په ملتیا د فاریاب له پوهنتون څخه لیدنه تر سره کړه. 
په دغه لیدنه د فاریاب پوهنتون د علمي چارو مرستیال پوهندوی نور احمد قیتمس د کرنې، اوبو لګونې او مالدارۍ وزارت سرپرست ته د ښه راغلاست تر څنګ، د هېواد په پرمختګ کې د پوهنتونونو د موقف په اړه خبرې وکړې.
ورسته د کرنې، اوبو لګونې او مالدارۍ وزارت سرپرست مولوي عبدالرحمن راشد د کرنې، اوبو لګونې او مالدارۍ په برخه د اسلامي امارت پالیسي تشریح کړه او په هېواد کې یې د کرنې او کرنیزو محصولاتو د تخصصي روزنې په برخه کې د تحصیلي بنسټونو د ارزښت په اړه خبرې وکړې. دغه راز ژمنه یې وکړه، چې په دې برخه کې به د فاریاب پوهنتون وړاندیزونه له اړوندو مقاماتو سره شریک او له اوصولي لارې به یې د حل په موخه لاس په کار شي. 
یاده ناسته د کرنې، اوبو لګونې او مالدارۍ وزارت د بشري منابع رییس الحاج مولوي حمیدالله ارشاد، په دعاء سره پای ته ورسېده.