د لوړو زده کړو وزارت سرپرست وزیر مولوي عبدالباقي حقاني خبري کنفرانس مهم ټکي

Akmal_admin
سه‌شنبه ۱۴۰۰/۱۰/۷ - ۴:۲۲
نکات عمده صحبت های مولوی عبدالباقی حقانی سرپرست وزارت تحصیلات عالی در کنفرانس خبری

د لوړو زده کړو وزارت سرپرست وزیر مولوي عبدالباقي حقاني خبري کنفرانس مهم ټکي:

۱-افغانستان یو اسلامي هېواد دی، څنګه چې په یوه اسلامي هېواد کې دیني مدارسو او مساجدو ته د مسلمانانواړتیا او ضرورت وي، ترڅو داسې کسان وروزي چې دا ضرورتونه پوره کړي،

همدا رنګه د افغانستان په شان یوه مسلمان هېواد کې د ښوونځيو او پوهنتونونو شتون هم اړین دی، ځکه مسلمانان دیني او دنیاوي زده کړو ته یو شان اړتیا لري.

۲-د لوړو زده کړو وزارت د پوهنتونو پر معیاري کولو او د پرمختګ لپاره یې د وسایلو پر برابرولو کار کوي.

۳-مونږ هڅه کوو چې په نورو هېوادونو کې افغان زده کړیالانو ته د تعلیم زمینه برابره کړو او د پرمختللو هېوادونو له مثبتو تجربو ګټه پورته کړو.

۴-هغه افغان زده کړیالان چې په نورو هېوادونو کې په زده کړو بوخت دي، مونږ په دې هڅه کې یوو چې هغوی ته په بېلابېلو برخو کې اسانتیاوې برابرې او ستونزې یې حل کړو.

۵-د افغان ښوونکو او زده کړیالانو لپاره مونږ پر دې هم کار کوو چې دوی د نړۍ نورو هېوادونو ته سفرونه وکړي او د هغوی له مثبتو کړنو او تجربو بیا په هېواد کې ګټه واخلي او همدا شان د نورو هېوادونو ښوونکي او زده کړیالان دلته راشي او خپلې تجربې شریکې کړي.

۶- د تدریسي روغتونونو لپاره د وسایلوکمی دی، مونږ هڅه کوو چې د دغو روغتونونو معیار لوړ کړو او د عملي زده کړو لپاره یې عصري وسایل برابر کړو.

۷-پاکستان ته زمونږ د رسمي سفر یوه موخه همدا وه چې د ټولو افغان زده کړیالانو له ستونزو ځان خبر او د حل کوشش یې وکړو، چې تر ډېره دا سفر ګټور تمام شو، لکه د دوی د وېزو ستونزه، سرحدي کې مسایل ، مالي مسایل او د دوی قرنطین کېدل.

۸-پخوا به سکالرشیپونه خرڅېدل چې خلک به نورو هېوادونو ته د زده کړو لپاره تلل چې بیا یې ښه پایله هم نلرله او کله به داسې هم کېدل چې یو کس به زده کړې نېمه کې پرېښودلې چې سکالرشیپ به هم ختم شو او د افغانستان نوم به یې هم بد کړ.

خو له دې وروسته به مونږ دې برخې ته پوره توجو کوو او هڅه کوو چې مستحق خلک له دې برخې مستفید شي او دا کار به فقط د لوړو زده کړو وزارت ترسره کوي او بل هېواد یا څوک د مداخلې حق نلري د برخو او پوهنتونو ټاکنه به هم د لوړو زده کړو وزارت کوي، ځکه د افغانستان لومړیتونه تر نورو هېوادونو مونږ ته ښه معلوم دي.

۹ -پخوا به پاکستان – افغانستان ته هر کال ۱۰۰۰ سکالرشیپونه ورکول، خو اوس به هر کال ۱۵۰۰ سکالر شیپونه ورکول کېږي.

۱۰-هغه افغانان چې په پاکستان کې میشت دي، دوی ته د افغانستان داخل کې د پوهنتونو دروازې خلاصې دي او هم هڅه کوو چې په پاکستان کې دوی ته د زده کړو زمینه برابره کړو.

۱۱-د پاکستان هېواد ته تر تګ وړاندې یوه تفاهم نامه جوړه شوې وه، چې بیا پاکستان د سفر بلنه راکړې وه، په دغه تفاهنامه کې د لوړو زده کړو اړوند د استادانو، زده کړیالانو او ورته نورو مسایلو ذکر شوی و، چې ځیني ستونزې به يې حل شي.

۱۲-د کرزي په وخت کې او بیا د کرونا راتګ پرمهال هم پوهنتونه تړل شوي وه، خو داځل د اقتصادي ستونزو له وجې دولتي پوهنتونونه بند دي او بله دا چې د مخلوط (ګډ) تعلیم د له منځه وړلو په چاره هم کار روان دی.

مونږ به داسې لاره ټاکو چې هم اسلامي وي او هم د افغانانو فرهنګ سره برابره وي.

۱۳-له ازبکستان او پاکستان وروسته به مونږ نورو هېوادونو ته هم دا ډول سفرونه وکړو.

Latest announcements

پنجشنبه ۱۴۰۴/۴/۱۹ - ۱۴:۲۳
Background image

خبرتیا!

ټولو هغو علماء کرامو ته چې له فتحي مخکې د تعلیم، تربیې او عالي تحصیلاتو کمېسیون د عالمیې مرحلې په ازموینه کې بریالي شوي وي او د دیني جامعاتو او تخصصاتو عمومي ریاست کې یې نوملیکنه کړې وي . . .

یکشنبه ۱۴۰۴/۳/۲۵ - ۴:۵۵
Background image

Back to announcements

تازه خبرونه

دوشنبه ۱۴۰۴/۴/۱۶ - ۶:۳۱
Background image

د ننګرهار پوهنتون تدریسي روغتون کې د خوارځواکو کوچنیانو د درملنې څانګه له بیارغونې وروسته ګټې اخیستنې ته ورسپارل شوه

د یاد روغتون د مسؤلینو په وینا، د خوارځواکو کوچنیانو د درملنې څانګه (ټي اېف یو) د روغتیا نړیوال سازمان په مالي مرسته د نږدې یو میلیون او ۵۰ زره افغانیو په لګښت د شلو ورځو په موده کې. . .

شنبه ۱۴۰۴/۴/۱۴ - ۱۵:۵۹
Background image

د لوړو زده کړو سرپرست وزیر د کندهار پوهنتون ښوونې او روزنې پوهنځي د محصلانو په فراعتغونډه کې ګډون او وینا وکړه

 

په کندهار پوهنتون کې په همدې مناسبت جوړه شوې غونډه کې د کندهار پوهنتون رهبري پلاوي، استادانو د امارتي ادارو یو شمېر استازو او د فارغانو د کورنیو غړو ګډون کړی و. 

 

د لوړو زده کړو. . .

چهارشنبه ۱۴۰۴/۴/۱۱ - ۱۰:۵۷
Background image

په دایکندي لوړو زده کړو موسسه کې د ۴ میلیونه افغانیو په ارزښت د ۶۰ کیلو واټه لمریزې برېښنا پروژه بشپړه او ګټې اخیستنې ته وسپارل شوه


د یاد تحصیلي نهاد مسوولینو په وینا؛ د دې پروژې په بشپړولو سره مو دوامداره ارزانه برېښنا تر لاسه کړه، چې مخکې تر دې مو په لوړ قیمت د جنراتور له برېښنا استفاده کوله.

BACK TO NEWS