په لومړي ځل د میرویس خان نیکه زابل د لوړو زده کړو مؤسسې څخه لسګونه تنه محصلین فارغ شول
په لومړي ځل د میرویس خان نیکه زابل د لوړو زده کړو مؤسسې څخه لسګونه تنه محصلین فارغ شول
په همدې موخه جوړه شوې غونډه د زابل په بادام ګل ماڼۍ کې په داسې حال کې تر سره شوه، چې پر مهال یې د میرویس خان نیکه زابل دلوړو زده کړو مؤسسې رئیس روح الله مشال، د پوهنې رئیس مولوي محمد عثمان حریت، د ولایت مقام اداري رئیس حافظ عنایت الله او د سرحدونو او قبایلو چارو رئیس سحر اخندزاده او د نورو ادارو مسؤلینو، استادانو او ګڼ شمیر محصلینو ګډون در لود.
په یادو مراسمو کې د میرویس خان نیکه زابل د لوړو زده کړو مؤسسې رئیس روح الله مشال وویل، "په یوه نظام کې لوړو زده کړو ته دومره اړتیا لیدل کېږي؛ لکه یو انسان چي اوبو څېښلو ته اړتیا لري او بغیر د لوړو زده کړو له حاصلولو څخه نظام چلول، کنټرولول او د سیالانو سره سیال کول ناشونی او سخت کار دی."
همدارنګه په دې غونډه کې بېلابېلو مسؤلینو په وار وارو محصلینو ته مبارکي وویله او یاد محصلین یې د ماسټرۍ او دوکتورا تر کچې لوړو زده کړو کولو ته وهڅول.
د یادونې وړ ده، چې د میرویس خان نیکه زابل دلوړو زده کړو مؤسسه په ١٣٩٦ هـ ل کال کې تاسېس شوې، چې د لومړي ځل لپاره یې د ښوونې او روزنې پوهنځي (ریاضي، فزیک، کیمیا او بیولوژي) څانګو څخه ۷۲ تنه محصلین فارغ شول.
