وضاحت!
د ځينو مغرضو کړيو لخوا دا خبر لاس په لاس کيږي چې ګواکي د کابل پوهنتون له ليليې څخه د قومي تبعيض پر اساس ځيني محصلين اخراج شوي، چې دا حقيقت نه لري.
حقيقت دا دی چې څو تنه اخراج شوي محصلين، چې له کوم مشخص قوم سره تعلق نه لري، د پوهنتون د لوایحو او مقرراتو څخه د سرغړونې له امله د اصولو سره سم او د ځانګړې کمېټې د پرېکړې په نتيجه کې اخراج شوې دي.
دا اصول پرته له کوم تبعيض څخه پر ټولو محصلينو په مساوي ډول تطبيق کيږي.
کابل پوهنتون د سيمي او هېواد په کچه ستر تاريخي اکاډميک بنسټ دی، چې شاوخوا ۲۴زره محصلين په کې په زده کړو بوخت دي، چې له دوی څخه درې زره محصلين په ليليه کې مېشت دي. دا پوهنتون د هېواد د ټولو قومونو مشترک اکاډميک کور دی. هره پوهنځۍ، هر ټولګی او د ليليې هره خونه يې د ملي یووالي يوه ژوندۍ بېلګه ده، چې هېڅوک ترې انکار نشي کولی.
