د افغانستان ځانبسیاني زرغون انقلاب نړیوال کنفرانس کې د لوړو زده کړو وزارت علمي معین دوکتور لطف الله خیرخوا د وینا لنډیز
• ډېر خوښ یم چې بیا په یوه داسې علمي چاپېریال کې سره راټول یو او د خپل هېواد مسایلو په اړه سره شریک فکر او غور کوو.
• منو د زراعت موضوع یوازې د یوه فصل، یا د غلهجاتو او میوهجاتو موضوع نه ده، بلکې دا په خپل ذات کې له ډېرو سترو مسایلو جوړه موضوع ده. دې موضوع پورې د نړۍ ډېر قضایا تړلي دي او ټوله نړۍ په دې فکر کې ده چې څه ډول تعامل ورسره وشي.
• دغه کنفرانسونه په لومړي ځل په افغانستان کې دايرېږي او د هېواد او له هېواده بهر استادان موږ سره په داسې ملي او نړیوالو کنفرانسونو کې ګډون کوي. موږ کوښښ کوو چې له دغسې بحثونو څخه ښه نتایج لاس ته راوړو.
دا ډول علمي څېړنیزو بحثونو ته دوام پکار دی چې د دغې مسایلو عمق ته ښه رسیدهګي وشي او څنګه چې لازمه ده د څېړنې شکلیات هغسې برابر او محتویات او مقاصد يې تر لاسه شي.
• نن سبا چې څوک په نړۍ نظامي، سیاسي او اقتصادي حاکمیت کوي، تاسې وګورئ هغوی به په څېړنه ډېر مصرف کوي او د څېړنې له امله یې په نړۍ سلطه ده.
• پرمختګونه، ابتکارات، مسایلو ته رسیدهګي، د قضایاو حل، د ستونزو تشخیص دا ټول ذکر شوي موارد څېړنو پوري تړاو لري، څومره چې موږ څېړنه کوو، هغومره به موږ ته د ستونزو دقيق معلومات کېږي او په دقيق او اسانه ډول به ستونزه حل کیږي.
• نن سبا نړۍ کې څېړنې ډېرې دقیقې دي او د درد پر ځای ګوته ږدي، موږ د همدې دقت په لټه د دغو کنفرانسونو تدوير کوو.
• د زراعت موضوع په مستقیم ډول د ډېرو سترو قضایاو سره تړلې ده. د اقلیم تغیر څخه نیولې، تر چاپېریال ساتنې، معادنو، تر وچکالۍ، د اوبو تر مدیریت، تر فقر، تر هجرتونو او تر کورني اقتصاد یې بنیاد رسیږي؛ نو ښه دا ده چې زراعت ته ډېره توجه وکړو او شته ستونزې د زراعت په مټ حل کړو.
• د ولایاتو له رئیسانو مو هيله ده چې د زرغون انقلاب په برخه کې د دوامدار کار تر څنګ سر ماتی فعاليت وکړي، نتيجه بې قربانۍ په لاس نه راځي.
