د لوړو زده کړو سرپرست وزیر غزني ولایت ته د یوه رسمي سفر په ترڅ کې په غزني پوهنتون کې یوې سترې غونډې ته وینا وکړه
په دغه غونډه کې د غزني والي، د علماوو شورا مرستیال، د یاد ولایت جهادي مدرسې مهتمم، امنیه قومندان، د غزني ولایت امارتي او خصوصي تحصیلي نهادونو مسوولینو، استادانو او محصلینو ګډون کړی و.
په غونډه کې د لوړو زده کړو سرپرست وزیر محترم شیخ الحدیث مولوي نداء محمد ندیم، غزنی یو تاریخي ولایت وباله او د علم د ارزښت په تړاو یې وویل، چې انسان په خپل ژوند کې دوه هدفه تعقیبوي، یو اصلي هدف، چې د الله تعالی عبادت دی او بل هدف، د دونوي اړتیاوې پر بنسټ ټاکل کیږي او رسېدل ورته د علم له لارې ترسره کیږي.
نوموړي د ا.ا.ا پالیسۍ ته به اشارې سره د محصلانو د زده کړو څرنګوالي په اړه وویل: «موږ نه غواړو چې له تاسو نظامي عسکر او یا د مدرسې طالبان جوړ کړو، بلکې غواړو چې له تاسو داسې انجنیر یا ډاکټر جوړ شي، چې د خپل مسلک ترڅنګ په دین او قرآن هم پوه وي، څو په پوره ایماندارۍ له خپل مسلک څخه دفاع او له دې لارې د دین او خلکو خدمت وکړي.»
لوړو زده کړو سرپرست وزیر دغه راز وويل، له لاسه وتلي اسلامي ارزښتونه را ژوندي کول، د دین پیروي او د خلکو تر منځ اتحاد او اتفاق رامنځته کول د اسلامي نظام غوښتنه ده او له محصلينو يې وغوښتل، چې نصيحتونو ته جدي پاملرنه او د خپلو درسونو په څېر یې تعقیب کړي.
نېټه: دوشنبه
۱۴۴۶ هـ.ق د جمای الاول ۱۶مه
۱۴۰۳ هـ.ش د عقرب ۲۸مه
۲۰۲۴ م د نومبر ۱۸مه
