د لیسانس په کچه د هندوستان هیواد د تحصیلي بورسونو خبرتیا

د بهرنیو چارو محترم وزارت د ۱۳۹۹ زمري (اسد) ۲۴ نیټې (۶۴۲۳) نمبر مکتوب په اساس د هندوستان هیواد د لیسانس په کچه د , یوروفیډیا، یوګا، طبیعي او یوناني علاج او طب په څانګو کې د تحصیلي بورسونو له ورکړي څخه خبر ورکړی دی. او د لوړو زده کړو وزارت د مقام د لارښونې سره سم په آزاده بڼه اعلان ته سپارل کیږي

د بورسونو شرطونه:

• له انګلیسي ژبې سره بلدیت

• دwww.a2ascholarships.iccr.gov.in A2A ICCR   ویب سایټ سره سم د غوښتني او روغتیا فورمونه چمتو کول.

• د تګ را تګ ټیکټ کیدای شي د بورسونو ورکونکي مرجع په غاړه وي.

• نورې آسانتیاوې لکه فیس، لیلیه، لابراتوار او نور د بورسونو ورکونکي مرجع له اړخه ورکول کیږي.

• نوماندان کولای شي چې د دریو پوهنتونو/ انستیتوتونو څخه یو وټاکي چې له قبولي څخه وروسته بیا د تبدیلۍ حق نلري.  

• تدریس به په انګلیسې یا اردو وي.

• د لیسانس دورې متقاضیانو د نمرو سلنه باید له ۷۰ څخه کمه نه وي.

د اړتیا وړ سندونه:

• د ښوونځي شهادتنامه

• الیکټرونیکي پاسپورټ درلودل

• د تابعیت تذکیره

• د روغتیایې فورم بشپړول

بناءً ټولو په شرایطو برابرو کسانو ته خبر ورکول کیږي چې ددې خبرتیا له خپریدو سره سم د ۲۰۲۰ د جولای ۳۱ چې د ۱۳۹۹ زمري(اسد) ۱۰ نیټې څخه تر دمخه په www.a2ascholarships.iccr.gov.in  ویب سایټ کې نوم لیکنه وکړي، فورم یې پرنټ کړي او د اړوندو بورسونو نورو فورمونو د تر لاسه کولو په موخه د لوړو زده کړو وزارت ۲۱ نمبر غرفې ته له خپلو اصلي اسنادو سره مراجعه وکړي، البته له دغې خبرتیا سره دری پاڼې ضمیمه هم شته دی.

یادښت: د پورته ذکر شوي بورسونو د ضمیمو ترلاسه کولو لپاره په لاندې لینک کلیک وکړئ:

دانلود