د شېخ زاید پوهنتون د مسلکي پراختیا مرکز (PDC) ورځنی ورکشاپ جوړ شو
د شېخ زاید پوهنتون د مسلکي پراختیا مرکز (PDC) کې (په شرعیاتو او حقوقو پوهنځیو کې د کرېډت سیستم پلي کول) تر سرلیک لاندې د یادو پوهنځیو استادانو او محصلانو ته دوه ورځنی ورکشاپ جوړ شو.
د علمي چارو مرستیال ښاغلي پوهندوی شفیع ګل شفیقي په دغه ورکشاپ کې د استادانو ګډون اړین وباله ترڅو د دغه سیستم د پلي کولو اړوند معلوماتو څخه برخمن شي.
د محصلانو چارو مرستیال پوهنیار محمد داوود بابکرخېل هم په خپلو ویناوو کې محصلانو ته سپارښتنه وکړه چې په ورکشاپ کې فعاله برخه واخلي چې له استاد سره په همکارۍ د پروګرام په پلي کولو کې محصل هم خپل مسوولیت ادا کړی وي .
په خوست کې د (SEO) Society Empowerment Organization یا د ټولنې پیاوړتیا موسسې مسوول عبدالولي خوستي د ورکشاپ د اهمیت په اړه خپل نظریات ګډونوالو ته واورول او د پوهنتون ادارې څخه یې مننه وکړه چې د ورته علمي پروګرامونو په بډاینه کې جدي هڅې کوي.
یاد ورکشاپ د شرعیاتو پوهنځي استاد پوهندوی حسام الدین رحیم زي له خوا مخته وړل کېږي، چې یوه ورځ به د شرعیاتو او حقوقو پوهنځیو (۲۰) استادان او په دویمه ورځ به د یادو پوهنځیو (۳۰) محصلان پکې ګډون ولري.
