په البیروني پوهنتون کې د پوهنځیو او ډېپارټمنټونو د ارزونې پروسه بیا پیل شوه
په البیروني پوهنتون کې د ډیپارټمنټونو او پوهنځيو ارزونې پروسه تر یوې دمې وروسته بیا په عادي ډول پیل شوه.
دا پروسه د پوهنځيو اداري او علمي فعالیتونو ارزونې په لړ کې په مهالوېش کې د راغلیو تعدیلاتو له مخې او د کیفیت د تضمین او اعتبار ورکولو ټاکل شویو شاخصونو پر بنسټ د ښوونې او روزنې پوهنځی په اصلاحي توګه وارزول (evaluation) شو.
ارزونې داسې طرحه شوي چې هر یو یې د ښوونیزو ورکشاپونو په توګه پلي کېږي او په دې بهیر کې د دندې ترسره کولو په حال کې هم ښوونې ترسره کېدای شي.
د چارو د مسولانو په وینا له دغه ګام سره به دوې موخې ترلاسه شي چې همغه (۱) اصلاحي ارزونه او وروستۍ بیاکتنې لپاره چمتوالی (۲) د اعتبار ورکولو او کیفیت تضمین معیارو په برخه کې د اکاډمیکو ظرفیتونو پراختیا ده.
د لا زیاتې روڼتیا او اغېزناکتیا او همدارنګه د پوهنځيو تر منځ د سالمو سیالیو او کاري انګېزې رامنځته کېدو لپاره د پروسې په پای کې نومرې هم ورکول کېږي.
دا ارزونه د علمي چارو مرستیال دوکتور فریدون کریمي په مشرۍ د پوهنتون د کیفیت تضمین اصلي کمېټې لخوا ترسره کېږي.
د علمي او اداري برخو د ارزونې پروسه په داسې حال کې چټکه شوې چې ټاکل شوې د البیروني پوهنتون د اعتبار ورکولو د درېیم پړاو لپاره بیاکتنه وشي.
