د لوړو زده کړو وزارت د محصلانو چارو سرپرست معین شیخ ظاهر خان خادم او ورسره مل پلاوي د کابل پوهنتون د ازموینو بهیر له نېږدې وڅاره.
د دې لېدنې پرمهال د لوړو زده کړو وزارت د محصلانو چارو سرپرست معین د یادو زده کړیالانو لپاره د ټاکل شوي نصاب تکمېلیدو او د محصلینوغیر حاضرۍ اړوند معلومات ترلاسه کړل او د محصلینو د ازموینو بهیر یې له نږدې وڅاره. همداراز یې محصلینو ته د ازموینې د شفافیت ډاډ ورکړ.
بل لور ته د کابل پوهنتون د بېلابېلو پوهځیو زده کړیالانو د تېر تدرسي نصاب، د نصاب بشپړ لوستلو، له دوی سره د استادانو ښې رویې، لارښوونو، د ازموینې پروسې شفافیت څخه خوښي څرګنده کړه او له مسؤلینو یې وغوښتل، چې تر ازموینو وروسته داسې اسناد ورکړل شي، چې دوی پرې د ماسترۍ زده کړې وکړي، چې د لوړو زده کړو وزارت ورغلي پلاوي له لوري د همکارۍ ډاډ ورکړل شو.
نېټه: سه شنبه
۱۴۴۴/۴/۲۷هـ.ق ۱۴۰۱/۹/۱ هـ.ش ۲۰۲۲/۱۱/۲۲م
د لوړو زده کړو وزارت مطبوعاتي دفتر
