د لوړو زده کړو وزارت د پلان، پالیسۍ او تقنین ریاست له لوري د دغه وزارت مختلفو ادارو کارکوونکو لپاره د ۱۴۰۲ کال د پلان ترتیب او نوي فارمټ د معرفي کولو او د ۱۴۰۱ کال راپور وړاندې کولو په موخه ورکشاپ ترسره شو.
په پیل کې د لوړو زده کړو وزارت د پلان، پالیسۍ او تقنین ریاست د ستراتیژیکو پلانونو د توحید او تدوین عمومي مدیر سلیمان حکیمي د یاد ورکشاپ د موخو په اړه خبرې وکړې.
نوموړي زیاته کړه چې د دغه ورکشاپ موخه د کاري پلانونو د ترتیب او د نوي فارمټ پر اساس د راپور وړاندې کولو د څرنګوالي تر څنګ، د دغه وزارت د لاسته راوړنو او ورځنیو فعالیتونو تر منځ توپیر کول دي.
ورسته د لوړو زده کړو وزارت د پلان، پالیسۍ او تقنین ریاست کارشناسانو عبدالله باباخاني او محمد یوسف عزیزي د ۱۴۰۲ کال د پلان نوي فارمټ او د ۱۴۰۲ کال د راپور ورکونې په اړه معلومات وړاندې کړل.
په پای کې د لوړو زده کړو وزارت د پلان، پالیسۍ او تقنین ریاست کارکوونکو د نظرونو د راټولنې تر څنګ، د ګډونوالو وړاندیزونه واورېدل او پوښتنو ته یې ځوابونه وویل.
